கொள்ளுமேடு ஜமாஅத் நிர்வாகிகள் தேர்வு

கொள்ளுமேடு தவ்ஹீத் பள்ளியின் நிர்வாகிகள் தேர்வு நேற்று நடைப்பெற்றது,இதில் நமதூர் பக்கிர் முஹம்மது அவர்கள் கொள்ளுமேடு ஜமாஅத் தலைவராக தேந்தெடுக்கப்பட்டார். மேலும் 

 முஹம்மது தல்ஹா அவர்கள்  ஜமாஅத் செயலாளராகவும்

அப்துர்ரஹ்மான் (கிராம சபை  உறுப்பினர்) அவர்கள் பொருளாளராகவும் தேர்ந்தெடுக்கப்பட்டனர்.ஜமாத்தை ஒருங்கிணைக்கும் பொருட்டு ஜமாஅத் கமிட்டி நிர்வாகிகளும் தேர்ந்தெடுக்கப்பட்டனர்,அவர்களின் விபரம்

முஹம்மது இஸ்மாயில்

சபிக்குர்ரஹ்மான் (ஆசிரியர்)

உமர்ஹத்தாப் 

அப்துல்வதூது

முஹம்மது ரஜ்வி

முஹம்மது சலீம்

முஹம்மது அன்சாரி 

நிஹ்மத்துல்லாஹ்.
முஹம்மது ஆசிக்

நன்மையை ஏவி, தீமையைத் தடுத்து நல் வழியை நோக்கி அழைக்கும் சமுதாயம் உங்களிடம் இருக்க வேண்டும் அவர்களே வெற்றி பெற்றோர். (திருக்குர்ஆன். 3:104) என்ற அல்லாஹ்வின் வார்த்தையை முழுமைப்படுத்தும் விதத்தில் நம்முடைய ஜமா அத் செயல்பட எல்லாம் வல்ல அல்லாஹ்விடம் பிரார்த்திக்கின்றோம்.

செய்தி:அபுல் மல்ஹர்

தவ்ஹீத் பள்ளியில் ஜும்மா உரை "பித்அத் "

தமிழ் நாடு தவ்ஹீத் ஜமாஅத்தின் கொள்ளுமேடு தவ்ஹீத் பள்ளியில் 04.03.2011 வெள்ளிக்கிழமை அன்று சேலத்திலிருந்து வந்திருந்த முஹம்மது ஹக்கீம் அவர்கள் "பித்அத் " என்ற தலைப்பில் ஜும்ஆ உரையாற்றினார். ஜும்ஆ உரைக்கு பின் நடைபெற்ற தொழுகையில் ஏராளமான ஆண்களும்,பெண்களும் கலந்து கொண்டு பயனடைந்தன.

சூரியன் உதயமாகும் நாட்களிலேயே மிகவும் சிறந்த நாள் ஜும்ஆ நாளாகும். அதில் தான் ஆதம் (அலை) படைக்கப் பட்டார்கள். அந்நாளில் தான் அவர்கள் சொர்க்க(தோட்ட)த்தில் தங்க வைக்கப் பட்டார்கள். யுக முடிவு நாளும் வெள்ளிக்கிழமை தான் ஏற்படும்” என்று நபி (ஸல்) அவர்கள் கூறினார்கள். அறிவிப்பவர் : அபூஹுரைரா (ரலி), நூல் : திர்மிதி 450

முஸ்லீம் பெயர்தாங்கி அரசியல் கட்சிகள் !!!

கண்ணியமிக்க வல்லோன் தன் திருமறையில் கூறுகிறான்: அல்லாஹ்வே! ஆட்சியின் அதிபதியே! நீ நாடியோருக்கு ஆட்சியை வழங்குகிறாய். நீ நாடியோரிடமிருந்து ஆட்சியைப் பறித்துக் கொள்கிறாய். நாடியோரைக் கண்ணியப்படுத்துகிறாய். நாடியோரை இழிவுப் படுத்துகிறாய்.நன்மைகள் உன் கைவசமே உள்ளன. நீ அனைத்துப் பொருட்களின் மீதும் ஆற்றலுடையவன் என்று கூறுவீராக! (அல்குர்ஆன்: 3:26)

ஒருவருக்கு ஆட்சியை வழங்குவதும், அதைப் பறித்துக் கொள்வதும் நம்மை படைத்த அல்லாஹ்விடம் மட்டுமே உள்ளது.நாம் வாழும் இந்திய திருநாட்டிலே யார் ஆட்சி செய்ய வேண்டும் என்பதை நாமே தீர்மானித்து, தெர்ந்தெடுக்கக் கூடிய வசதியை வல்ல இறைவன் இந்திய அரசியல் சாசனத்தின் மூலம் நமக்கு வழங்கியுள்ளான். அதனடிப்படையில் இந்திய முஸ்லிம்களாகிய நாம் நம்முடைய ஓட்டை ஆண்டாண்டு காலமாக சில குறிப்பிட்ட கட்சிகளுக்கே ஓட்டளித்து அவர்களை ஆட்சிக் கட்டிலில் அமர வைத்து அழகுப் பார்த்தோம்.

நமது தமிழக மக்கள் எதிர்பார்த்திருந்த சட்டசபைத் தேர்தல் இன்ஷாஅல்லாஹ் வரும் ஏப்ரல் மாதம் 13ம் தேதி நடைபெறம் என்று இந்திய தேர்தல் ஆணையம் அறிவித்திருக்கிறது. இந்நிலையில் அனைத்துக் கட்சிகளும் தங்கள் கட்சி அல்லது தான் சார்ந்த கூட்டணிக்குத் தான் மக்கள் வாக்களிக்க வேண்டும் என விரும்புவார்கள். மேலும், மற்ற சமுதாயத்தைப் பொருத்தவரையில் எல்லாக் கட்சிகளிலும் பரவலாக இருக்கின்றனர்.

ஆனால் பெரும்பாலான முஸ்லிம்கள் இதுநாள் வரையில் குறிப்பிட்ட சில கட்சிகளுக்குத்தான் ஆதரவு என்ற நிலைபாட்டில் உள்ளனர். யாரை முஸ்லீம் சமுதாயம் ஆதரிக்குமோ அவர்கள் தான் அதிகமான இடங்களை பெற்றுனர் என்பதால் அனைவரின் பார்வையும் முஸ்லீம் சமுதாயத்தின் மீது தான் உள்ளது.

இறை நம்பிக்கை

நம்மில் ஒரு சிலர் அல்லாஹ்வை நம்புகிறோம் ஆனால் மறுமையை நம்புவதில்லை இறுதிநாளை நம்புவதில்லை விதியை நம்புவதில்லை சொர்க்கம் மற்றும் நரகத்திலும் நம்பிக்கையே இல்லை மாறாக தன் செல்வத்தையும் (எதிர்காலத்தில் காப்பற்றுவார்கள் என) பிள்ளைகளையும் குடும்பத்தினரையும் நம்புகிறார்கள் ஆனால் இறைவனை நம்பும் விதத்தில் நம்புவதில்லை.அவனுடைய வல்லமையையும்,கருணையையும் நம்புவதில்லை.

ஒரு முஹ்மின் என்பவர் எதையெல்லாம் நம்ப வேண்டும் என்றால்

அல்லாஹ் ஒருவனே என்றும் அவனுக்கு இணை இல்லை என்றும் முதலில் நம்ப வேண்டும்,
பிறகு மலக்குகளை நம்ப வேண்டும் ,
வேதங்களை நம்ப வேண்டும்,
நபிமார்களை நம்ப வேண்டும் ,
இறுதிநாளை நம்ப வேண்டும்
நன்மையும் தீமையும் அல்லாஹ்வின் நாட்டப்படியே நடக்கிறது என்று நம்ப வேண்டும் ,
மரணத்திற்கு பின்பு மீண்டும் எழுப்ப படுவோம் என்றும் நம்ப வேண்டும்.

ஒரு சிலர் அல்லாஹ்விற்கு அஞ்சாமல் சமுதாயத்திற்க்கும், ஊருக்கும், உறவினர்களுக்கும் அஞ்சுகிறார்கள் யார் அல்லாஹ்வை அஞ்சவில்லையோ அவர்கள் வாழ்நாள் முழுவதும் மற்றவர்களுக்கு அஞ்சியே வாழ்வதை கண்கூடாக காண்கிறோம்.

புண்ணியம் என்பது உங்கள் முகங்களைக் கிழக்கிலோ, மேற்கிலோ திருப்பிக்கொள்வதில் இல்லை; ஆனால் புண்ணியம் என்பது அல்லாஹ்வின் மீதும், இறுதி(த் தீர்ப்பு) நாளின் மீதும், மலக்குகளின் மீதும், வேதத்தின் மீதும், நபிமார்கள் மீதும் ஈமான் கொள்ளுதல்; (தன்) பொருளை இறைவன் மேலுள்ள நேசத்தின் காரணமாக, பந்துக்களுக்கும், அநாதைகளுக்கும், மிஸ்கீன்(ஏழை)களுக்கும், வழிப் போக்கர்களுக்கும், யாசிப்பவர்களுக்கும், (அடிமைகள், கடனாளிகள்) போன்றோரின் மீட்புக்காகவும் செலவு செய்தல்; இன்னும் தொழுகையை ஒழுங்காகக் கடைப்பிடித்து முறையாக ஜகாத் கொடுத்து வருதல்(இவையே புண்ணியமாகும்); இன்னும் தாம் வாக்களித்தால் தம் வாக்குறுதிகளை நிறைவேற்றுவோரும்; (வறுமை, இழப்பு போன்ற) துன்பத்திலும், (நோய் நொடிகள் போன்றவற்றின்) கஷ்டத்திலும், யுத்த சமயத்திலும், உறுதியுடனும், பொறுமையுடனும் இருப்போரும் தான் நன்னெறியாளர்கள்; இன்னும் அவர்கள் தாம் முத்தகீன்கள்(பயபக்தியுடையவர்கள்). (அல்குரான் 2:177 )

குடும்பத்துடன் இஸ்லாத்தை ஏற்ற சகோதரர்கள்!

தமிழ்நாடு தவ்ஹீத் ஜமாஅத் திருவள்ளூவர் மாவட்டம் ஆவடி கிளையில் கடந்த 27-2-11 அன்று இஸ்லாம் ஓர் எளிய மார்க்கம் நிசழ்ச்சி நடைபெற்றது. இதில் மாநிலத் தலைவர் பி.ஜைனுல் ஆபிதீன் அவர்கள் கலந்து கொண்டு கேள்விகளுக்கு குர்ஆன் ஹதீஸ் அடிப்படையில் பதில் அளித்தார்கள். ஆண்கள் பெண்கள் உட்பட ஏராளமானோர் இதில் கலந்து கொண்டனர்.

இந்த நிகழ்ச்சியில் செங்குன்றம் காந்திநகர் கிளையின் தாவா பணியின் காரணமாக
ஒரு குடும்பம் இஸ்லாத்தை தழுவியது அல்ஹம்துலில்லாஹ்

இந்திய தவ்ஹீத் ஜமாஅத்தின் முக்கிய அறிவிப்பு

சமுதாய கோரிக்கையை முன்னிறுத்தி முஸ்லிம்களுக்கு  5% இடஒதுக்கீடு தரும் கூட்டணிக்கே ஆதரவு என்று TNTJ அறிவித்த பொதுக்குழு முடிவை ஆதரிக்கிறோம்.

சமூக சிந்தனையுடன், சமுதாய முன்னேற்றத்துக்காக TNTJ எடுக்கும் மார்க்க மற்றும் அரசியல் முடிவை ஒட்டுமொத்த முஸ்லிம்களும் ஆதரிப்போம்

TNTJ கிளை நிர்வாகிகள் தேர்வு

கடந்த வெள்ளிக் கிழமை அன்று தமிழ் நாடு தவ்ஹீத் ஜமாஅத்தின் கிளையின்  பொதுக்குழு நடைப்பெற்றது, கிளை உறுப்பினர்கள் மற்றும் ஜமாஅத் தலைவர்கள் கலந்துகொண்டு சிறப்பித்தனர் . அதன் சமயம் கிளையின் தலைவராக தாயகம் சென்றுள்ள அபுல் மல்கர் அவர்கள் செயல்படுவது என்றும் கிளையின் செயலாளராக முஹம்மது ரஜ்வீ, பொருளாராக அபூ பக்கர், மாணவரணி தலைவராக ஜாவித் ஆகியோர் தேர்தேடுக்கபட்டனர்.

புதிய தலைவராக தேர்தெடுக்கப்பட்ட அபுல் மல்கர் அவர்கள் புதிய உத்வேகத்தோடு செயல்பட வேண்டும் என்றும் தவ்ஹீத் பள்ளி மூலம் கொள்ளுமேட்டில் ஏகத்துவ புரட்சியை ஏற்படுத்தும் வண்ணம் நம்முடைய பணிகள்   அமைந்திட வேண்டும் என்றும் தொண்டர்களிடையே உரையாற்றினார்.