S.P பட்டினம் பள்ளிவாசல் தவ்ஹீத் ஜமாஅத் வசமானது

அல்லாஹு அக்பர்...............!! அல்லாஹு அக்பர்....................!! S.P பட்டினம் பள்ளிவாசல் பிரச்சினை தவ்ஹீத் ஜமாஅத்திற்கு ஆதரவாக தீர்ப்பு.................!!

   இராமநாதபுரம் மாவட்டம் எஸ்.பி பட்டினம் கிராமத்தில் கிழக்கு கடற்கரை சாலையில் அமைந்துள்ள தமிழ்நாடு தவ்ஹீத் ஜமாஅத்திற்கு சொந்தமான பள்ளிவாசல் சுன்னத் ஜமாஅத்தினர் உரிமை கொண்டாடியதால் வட்டாச்சியர் உத்தரவின்படி பூட்டி சீல் வைக்கப்பட்டது.

 இதற்கு எதிராக பல்வேறு சட்டப்போராட்டங்களையும் அறவழிப் போராட்டங்களையும் தமிழ்நாடு தவ்ஹீத் ஜமாஅத் நடத்தி வந்தது இப்பள்ளிக்கு உரிமை கொண்டாடி சுன்னத் ஜமாஅத்தினர் திருவாடனை உரிமையியல் நீதி மன்றத்தில் வழக்கு போட்டனர், இவர்கள் தொடுத்த வழக்கு நீதிமன்றத்தில் சென்ற வாரம் தள்ளுபடி செய்யப்பட்டது இதன் பின்னர் வட்டாச்சியர் அனைத்து ஆவணங்களையும் பரிசீலித்து தனது தடை உத்தரவை ரத்து செய்து தவ்ஹீத் ஜமாஅத்தினர் பள்ளிவாசலை திறந்து கொள்ளலாம் என்று தீர்ப்பு அளித்தனர் இத்தீர்ப்பை மாவட்ட ஆட்சியர், மாவட்ட காவல் துறை கண்காணிப்பாளர் ஆகியோரின் கவனத்துக்கு கொண்டு செல்லப்பட்டு இன்று காலை 8 மணிக்கு பள்ளிவாசல் திறக்கப்பட்டது , காவல் துறையினர் போதிய பாதுகாப்பு அளிக்க உறுதி அளித்துள்ளனர் மேலும் சுன்னத் ஜமாஅத்தினர் யாரும் பள்ளிவாசலை தவ்ஹீத் ஜமாஅத் திறக்கும் போது எந்த இடையூறும் செய்யக்கூடாது என்று பள்ளிவாசலில் பொது அறிவிப்பு

லால்புரம் ஜாமஅத்தினர் TNTJ-விடம் மனு அளித்தனர்!

சிதம்பரம் ஏப்ரல் 8: சிதம்பரம் அருகேயுள்ள லால்புரத்தில் 10 ஆண்டுகளுளாக காவல்துறை, வருவாய்த் துறை மற்றும் சங்கபரிவார கும்பலின் தலையீடால் பள்ளிவாசல் மற்றும மதரஸா கட்ட தொடர்ந்து அநீதி இழைத்து வரப்படுகிறது. இது சம்மந்தமான ஆலோசனை கூட்டம் சிதம்பரம் தவ்ஹீத் பள்ளியில் 03.04.2012 அன்று மாவட்ட தலைவர் சகோ.முத்துராஜா தலைமையில் நடைப்பெற்றது. இந்த சந்திப்பில் லால்புரம் ஜாமஅத்தினர் தமிழ்நாடு தவ்ஹீத் ஜமாஅத்தை தலையிட்டு லால்புரத்தில் பள்ளிவாசல் மற்றும் மதரஸா அமைய உதவி செய்ய வேண்டும் என்று கோரிக்கை மனு அளித்தனர்.

மானியம் ஆடூர் தவ்ஹீத் மஸ்ஜித் திறப்பு நிகழ்ச்சி

   கடலூர மாவட்டம் மானியம் ஆடூரில் கட்டப்பட்டு வந்த தவ்ஹீத் மஸ்ஜித் இன்று பக்கிர் முஹம்மது அல்தாபி அவர்களின் ஜூம்மா உரையுடன்  ஆரம்பம் செய்யபடுகிறது.ஜும்மா தொழுகைக்கு பின் இஸ்லாம் ஓர் எளிய மார்க்கம் என்ற நிகழ்சிக்கு ஏற்பாடு செய்யப்பட்டுள்ளது.

கொள்ளுமேடு,லால்பேட்டை,ஆயங்குடி,காட்டு மன்னார்குடி போன்ற ஊர்களில் இருந்து பெரும் அளவில் மக்கள் கலந்து கொள்ளும் அளவிற்கு ஏற்பாடு செய்யப்பட்டுள்ளது

நம் ஊரில் இருந்து மக்கள் செல்வதற்கு வாகன வசதி செய்யப்பட்டுள்ளது.

தமிழகத்தில் பொதுத் தேர்வு: ஐபிஎல் போட்டிகளுக்கு தடை விதிக்க வேண்டும் - TNTJ கோரிக்கை!

சென்னை: தமிழகத்தில் பொதுத் தேர்வு எழுத உள்ள மாணவர்களின் எதிர்காலத்தை கருத்தில் கொண்டு, ஏப்ரல் 4ம் தேதி துவங்க உள்ள ஐபிஎல் டுவென்டி20 கிரிக்கெட் தொடருக்கு தடை விதிக்க வேண்டும் என்று தமிழ்நாடு தவ்ஹீத் ஜமாத்தின் பொதுச் செயலாளர் ஆர்.ரஹ்மத்துல்லாஹ் கோரிக்கை விடுத்துள்ளார். இது குறித்து அவர் வெளியிட்டுள்ள அறிக்கையில் கூறியிருப்பதாவது தமிழகத்தில் 10ம் வகுப்புத் தேர்வுகள் ஏப்ரல் 4ம் தேதி முதல் நடைபெற உள்ளது. ஆனால் அதே நாளில் ஐபிஎல் டுவென்டி20 கிரிக்கெட் தொடர் துவங்க உள்ளது என்ற செய்தியும், அதற்காக செய்யப்படும் பிரமாண்ட விளம்பரங்களும் கவலை அளிப்பதாக உள்ளது.

 கிரிக்கெட் மோகம் கொழுந்து விட்டு எரியும் நம் நாட்டில் கல்வி என்பது 2ம் பட்சமாக கருதப்படுகிறது. வாழ்கையின் முக்கியமான தருணத்தில் உள்ள மாணவர்கள் கிரிக்கெட் போதையில் தங்கள் வாழ்கையை தடுமாறத்திற்கு உள்ளாக்கி விடுவார்களோ என்ற பயம் பெற்றோர்களுக்கும், மாணவர்களின் வாழ்கையில் அக்கறை கொண்டுள்ள ஒவ்வொரு மனிதனுக்கும் உள்ளது. ஒரு கிரிக்கெட் போட்டியை பார்க்காவிட்டால் எதையோ பறிகொடுத்த போக்கில் பல மாணவர்கள் அலைவதும், கிரிக்கெட் போட்டிகளை குறித்து பல மணிநேரம் அரட்டை அடித்து நேரத்தை வீணாக்குவதும், ஒவ்வொரு நொடியையும் பயன்படுத்த வேண்டிய பொதுத்தேர்வு நேரத்தில் சிந்திக்க வேண்டியாதாக உள்ளது. ஆபாசத்தின் உச்சக்கட்டத்தை விளையாட்டு போட்டிகளின் வாயிலாக கடை விரிக்கும் கலாச்சாரத்தை இந்தியாவில் துவக்கி வைத்த ஐபிஎல் டுவென்டி20 கிரிக்கெட் தொடரை உடனடியாக தடுத்து நிறுத்தி, மாணவர்களின் எதிர்காலத்தை பாதுகாக்க வேண்டும். ஐபிஎல் எனும் குழுவை வைத்து கோடிக்கணக்கில் பணம் சம்பாதிக்கும் உலகின் பணக்கார ஆஇஇஐஐ, மாணவர்களின் வாழ்க்கையை குறித்து யோசிக்காமல் முடிவெடுத்ததில் வியப்பில்லை. பணம் சம்பாதிப்பதற்காக யாரைப் குறித்தும் கவலைப்படாத சாராய வியாபாரிகளும், சமுதாயத்திற்கு மோசமான காரியங்களை கற்று தரும் நடிகர்களும் முதலாளிகளாக இருக்க கூடிய ஐபிஎல் குழு, மாணவர்களின் வாழ்கையை காவு வாங்க காத்துக் கொண்டிருப்பதை தமிழ்நாடு தவ்ஹீத் ஜமாஅத் வன்மையாக கண்டிக்கிறது. ஒரு பொறுப்புள்ள அரசு மாணவர்களின் எதிர்காலம் குறித்து கண்டிப்பாக சிந்திக்கும். எனவே தமிழகத்தை 2023ல் ஆசியாவின் முதல் இடத்தில் வைக்க நினைக்கும் தமிழக அரசு அதற்கு அச்சாணிகளான மாணவ சமுதாயத்தையும் அவர்கள் பொதுத்தேர்வில் பெரும் மதிப்பெண்ணையும் காக்கும் வகையிலும், பெற்றோர்களின் மனக்கவலைகளை போக்கும் வகையிலும் ஐபிஎல் டுவென்டி20 போட்டிகளை பொதுத் தேர்வுகள் முடிவடையும் வரை (ஏப்ரல் 23 ஆம் தேதி) நடத்த அனுமதிக்க கூடாது. ஐபிஎல் போட்டிகளை நேரடி ஒளிபரப்பு செய்ய உள்ள சோனி மாக்ஸ் தொலைகாட்சியின் ஒளிபரப்பை தடுத்து நிறுத்த வேண்டும் என்று அனைத்து சமுதாய மாணவர்களின் சார்பாகவும் தமிழ்நாடு தவ்ஹீத் ஜமாஅத் கோரிக்கை வைக்கிறது என்று அந்த அறிக்கையில் தெரிவித்துள்ளது. நன்றி: தட்ஸ்தமிழ்

கோவையில், “இஸ்லாமிய குடும்பவியல் மாவட்ட மாநாடு” 18-கும் மேற்பட்ட அரங்கங்களுடன்…..

தமிழ்நாடு தவ்ஹீத் ஜமாஅத் கோவை மாவட்டத்தின் சார்பாக இன்ஷா அல்லாஹ் மே-6 ஆம் தேதி, ”இஸ்லாமிய குடும்பவியல் மாவட்ட மாநாடு” நடைபெற உள்ளது. இதில் P. ஜைனுல் ஆபிதீன், சம்சுல்லுஹா, பக்கீர் முஹம்மத் அல்தாபி, ரஹ்மத்துல்லாஹ், M.I.சுலைமான், M.S.சுலைமான் உள்ளிட்ட மார்க்க அறிஞர்களின் உரைகளுடன், 18-கும் மேற்பட்ட பயனுள்ள அரங்கங்கள் அனைத்தும் உங்களுக்காகவே…………. உங்கள் பிள்ளைகளின் கோடை விடுமுறையை குடும்பத்துடன் பயனுள்ளதாக மாற்ற கோவை நோக்கி படையெடுங்கள்!

 மாநாட்டில் இடம்பெறவுள்ள அரங்கங்களில் சில உங்கள் பார்வைக்கு…. 


 பேய், பிசாசு, ஜின் மூட நம்பிக்கை ஒழிப்பு அரங்கம்


 தர்கா ஒழிப்பு அரங்கம் 


 இட ஒதுக்கீடு பார்வை அரங்கம் 


 கேள்வி பதில் எளிய மார்க்கம் அரங்கம் 


அரசு நலத்திட்ட உதவிகள் அரங்கம் 


 போதை-புகை தீமைகளை விளக்கும் அரங்கம்


 இலவச மருத்துவ மற்றும் இரத்தவகை கண்டறிதல் அரங்கம் 


கல்வி அரங்கம் ஜனாஸா கடமைகள் அரங்கம் 


 அறிவியலும் இஸ்லாமும் அரங்கம் இந்திய சுதந்திரத்தில் முஸ்லிம்கள் அரங்கம் 


 தமிழகத்தில் ஏகத்துவ வளர்ச்சி அரங்கம் 


 கணிணி மூலம் மார்க்கத்தை அறிந்து கொள்வது எப்படி?, அரங்கம். ஜமாத்தின் பணிகள் ஓர் அரங்கம் 


(அனாதை அர்ரஹ்மான், முதியோர்-அர் ரஹீம், தாவா சென்டர், ஏகத்துவம் – தீன்குலப்பெண்மணி – உணர்வு ஓர் அரங்கம்)

நெல்லையில் நடைபெற்ற TNTJ வின் 13 வது மாநிலப் பொதுக்குழு – முழு விபரத்துடன்!

பிரம்மாண்டமாய் கூடிய 13 வது மாநிலப் பொதுக்குழு:

தமிழ்நாடு தவ்ஹீத் ஜமாஅத்தின் 13 வது மாநிலப் பொதுக்குழு கடந்த 11/12/2011 அன்று திருநெல்வேலி மாநகரத்தில் இருக்கும் பார்வதி சேஷ மஹாலில் காலை 10.30 க்கு கூடியது. மேலாண்மைக் குழுத்தலைவர் ஷம்சுல்லுஹா ரஹ்மானி தலைமையில் நடைபெற்ற இந்தப் பொதுக்குழுவில் தமிழ்நாடு தவ்ஹீத் ஜமாஅத்தின் பொதுக்குழு உறுப்பினர்கள் அனைவரும் கலந்து கொள்ள அழைப்பு விடுக்கப்பட்டிருந்தது.

அலை கடலென திரண்ட நிர்வாகிகள் :

கடந்த 2011 ஜனவரி மாதம் சேலத்தில் கூட்டப்பட்ட பொதுக்குழுவில், மாநிலத்திற்கு புதிய நிர்வாகம் தேர்ந்தெடுக்கப்பட்டதைத் தொடர்ந்து நடைபெற்ற இந்தப் பொதுக்குழு அனைவரின் மத்தியிலும் எதிர்பார்ப்பை உண்டாக்கியது. இதில் 3000க்கும் அதிகமாக இந்தியா மற்றும் வெளிநாடுகளில் இருந்தும் நிர்வாகிகள் பெருந்திரளாகப் பங்கேற்றனர்.

நெல்லை மாநகரில் இருக்கும் மண்டபங்களிலேயே மிகப்பெரியது இந்த பார்வதி மஹால்தான். இருந்தாலும் மக்கள் வெள்ளத்தால் இதுவும் கூட இடப்பற்றாக்குறையாய் இருந்தது. பொதுக்குழு உறுப்பினர்களின் கட்டுக்கடங்காத கூட்டத்தால் அரங்கம் காலை 10 மணிக்கே நிரம்பி வழிய ஆரம்பித்தது. அரங்கத்தின் மாடி, பக்கவாட்டுப் பகுதிகள் அனைத்திலும் இருக்கைகள் நிரம்பி வழிந்தன. அரங்கத்திற்கு வெளியே ஷாமியானா பந்தல் போடப்பட்டு அதிலும் நாற்காலிகள் குவிக்கப்பட்டன. ஆனாலும் இடமின்றி மக்கள் பலர் நின்ற வண்ணமே இருந்தனர்.

வானுயர்ந்த உறுப்பினர்களின் கோஷம்:

பொதுக்குழுவின் முதல் நிகழ்ச்சியாக நிர்வாகக் குழு எடுத்த சில நடவடிக்கைகளுக்கு ஒப்புதல் பெறப்பட்டது. சைபுல்லாஹ் ஹாஜாவின் தவறான செயல்பாடு காரணமாக அவரை நீக்கியதை பொதுக்குழுவில் அறிவித்து ஒப்புதல் கேட்கப்பட்டது. “அல்லாஹ் அக்பர்” என தங்களின் கைகளை உயர்த்தி உறுப்பினர்கள் கோஷம் எழுப்பி அதற்கு ஒப்புதல் தெரிவித்தனர்.

அதுபோல சொந்தக் காரணங்களுக்காகவும், வேலைப்பளு காரணமாகவும் தங்களின் பொறுப்புகளை ராஜினாமா செய்த சகோ.அப்துந்நாசர், தணிக்கைக் குழு உறுப்பினர் சகோ.தம்மாம் தவ்ஃபீக், மாநிலச் செயலாளர் சகோ.மாலிக் ஆகியோரின் விலகல் குறித்தும் பொதுக்குழுவில் ஒப்புதல் பெறப்பட்டது.

எழுச்சியடைய வைத்த லுஹாவின் உரை:

பொதுக்குழுவின் முதல் அமர்வின் முதல் நிகழ்ச்சியாக மேலாண்மைக்குழுத் தலைவர் ஷம்சுல்லுஹா ரஹ்மானி “கொள்கை உறவு” என்ற தலைப்பில் உரை நிகழ்த்தினார். இந்த ஜமாஅத்தில் இருக்கும் உறுப்பினர்கள் உறவுகளைப் பேணுபவர்கள், அதே நேரம் அந்த உறவுகள் கொள்கைக்கு மாற்றமாகச் செயல்படும் சமயத்தில் அதைத் தூக்கி எறிந்து விட்டு இந்த சத்தியக் கொள்கையைத் தூக்கிப் பிடிப்பவர்கள் என்பதை நபிகள் நாயகம் (ஸல்) காலத்திய ஒரு வரலாற்றைச் சுட்டிக் காட்டி

நமதூர் தஹ்வ்ஹீத் பள்ளியில் நடைபெற்ற மாதாந்திர பெண்கள் பயான்

நமதூர் தஹ்வ்ஹீத் பள்ளியில் பெண்களுக்காக மாதந்தோறும் நடைபெறும் பயான் நிகழ்ச்சி நேற்று சிறப்புடன் நடைபெற்றது சகோதரர் பெண்ணடம் யாசின் அவர்கள் இன்றைய பெண்களின் நிலை என்ற தலைப்பில் சிறப்புரை நிகழ்த்தினார்.இந்நிகழ்ச்சி மாலை 3  மணி முதல் அஸ்ர் தொழுகை வரை நடைபெற்றது. இதில் 40  க்கும்  மேப்பட்ட பெண்கள் கலந்துக்கொண்டு பயனடைந்தனர்.அல்ஹம்துலில்லாஹ்.